Ардақты қалам Арқалық

Абай Сейдахмет

Күн нұрын төгіп төбеден,
Кеңейіп келед(і) керегем,
Туған жерімді толғаймын.
Тарихын тартқан көнеден,
Өміршең мықты өнегең,
Тынысы өзің Торғайдың.

Құрметтеп өткен сан құрбан,
Өзбекәлідей тау тұлғам,
Тұрады мұнда нар-халық.
Шәмші атамыз ән қылған,
Мұхтардың жыры жаңғырған,
Ардақты қалам-Арқалық!

Жусанның исі құмарым,
Қызыл құмдары құнарым,
Кем емес жәннат мекеннен.
Жағасы жасыл құрағым,
Тамаша "Тасты" бұлағым,
Мен үшін тәтті шекерден.

• Facebook
• Twitter
• Vkontakte