Демалып ал

Жолдасбек Абдиханов & Асан Абдралин

Демалып ал шаршадың ба өмірден,
Бақыттан да жылт етіп бір көрінген.
Демалып ал шаршадың ба ортаңнан,
Бар кезінде шығатұғын көңілден.

Демалып ал шаршадың ба жалғаннан,
Қол созсаң да жеткізбейтін арманнан.
Демалып ал шаршадың ба жай ғана,
Дүниемен сыйласатын жандардан.

Демалып ал шаршадың ба бәрінен,
Жалған достың таусылмайтын әнінен.
Демалып ал шаршадың ба шаршасаң,
Шаршауыңды емдеп көрші дәрімен.

Демалып ал шаршадың ба төзуден,
Бұл өмір де ғайып болар көзіңнен.
Демалып ал шаршадың ба асықпай,
Ең бастысы шаршамашы өзіңнен.

• Facebook
• Twitter
• Vkontakte