Маған сені жақсы көрген ұнайды

Жарасхан Төлебай

Жырмен ғана жеткіземін лебізді,
Өмір мені әлі талай сынайды.
Өлеңіме арқау қылып негізгі,
Маған сені жақсы көрген ұнайды.

Көздерің сенің мұңайды,
Жүрегім сені сұрайды,
Маған сені жақсы көрген,
Жақсы көрген ұнайды!

Ұнайды бәрі,ұнайды,
Сезімім саған шынайы,
Маған сені жақсы көрген,
Жақсы көрген ұнайды!

Жұлдыздар да жазғанымды жаттапты,
Өздерінше олар да өлең құрайды.
Қиялыма ерік беріп тәп-тәтті,
Маған сені жақсы көрген ұнайды!

• Facebook
• Twitter
• Vkontakte