Ән-құсым

Жансая Есендикова

Көңілдің ашып сарайын,
Ән болып қанат қағайын,
Аққуың болып көгіңде ағайын.
Думанға толсын маңайым,
Әніме әсем салайын,
Көңілдің қошын әніммен табайын.

Қайырмасы:
Тербелсін көңіл желкені, әндерім шалқысын,
Баурасын әуен сиқыры, көңілім балқысын.
Махаббатымдай сезімнің алауы шарпысын,
Өмірім сүйем мен сені, қалықта ән-құсым.

Көктемдей күлсін күн бүгін,
Кеудемнен сайрап бұлбұл үн,
Бақыттың құсы төбемде тұр бүгін.
Жаныма сая ән бүгін,
Шуағын шашып таң нұрын,
Әніммен аштым көңілдің сандығын.

• Facebook
• Twitter
• Vkontakte