Әлем аруы

Жәнібек Қуанышбеков

Жүрегімді жаулап алған сенің қылығың,
Көздеріңнен көрдім мөлдір сезім тұнығын.
Әркімдікі өз-өзіне ай көрінбей ме?!
Менің сүйген, менің сұлуым!

Әлем аруы мен үшін сенсің,
Ең сұлулардың бәрімен теңсің!
Ол үшін менің көзіммен көрсін,
Сенбеген жан сөзіме сенсін!

Қандай бақыт маңдайыма жазылды менің,
Сол бақытым сен екенін қазір білемін.
Тілейтінім ешқашанда тоқтамасыншы,
Мен деп соққан нәзік жүрегің!

• Facebook
• Twitter
• Vkontakte