РЕЙХОН

Жангелді Жарылғасын

Қарақат көз, қалың қасты аруысың өзбектің,
Көп арудың арасынан сені ғана көздеппін,
Рейхон, Рейхон.

Екеумізді екі жұрттың шекарасы бөліп тұр,
Бәрбір менің жас жүрегім сен деп қана соғып тұр,
Рейхон, Рейхон.

Екі күндік, екі түндік жол болса да екі ара,
Ешқашан да махаббатта бола алмайды шекара!
Рейхон, Рейхон.

Сен мекендеп арғы жағын, мен мекендеп бер жағын,
Бөлінбейтін бір жүрекке айналайық кел, жаным!
Рейхон, Рейхон!

Тағдырыңның шекарасын бұзып кірем бір күні,
Бұл дегенің - нағыз батыр ғашықтардың тірлігі!
Рейхон, Рейхон.

Маған ғана ашып таста Сезіміңнің қақпасын,
Кім көрінген әрлі-берлі кіріп-шығып жатпасын,
Рейхон, Рейхон.

• Facebook
• Twitter
• Vkontakte