Бұл қазақтың алаңы

Елдос Үмбетәлі

Бір тұлпармен талай жауды күйреткен,
Ұлын жауға - атын жолға баптаған.
Жалғыз ұлға жер жақанды билeткен,
Бүкіл қазақ - бірақ сөзге тоқтаған.

Асауды алғаш - жүген салып үйреткен,
Үзеңгіні ойлап тапқан атты адам.
Ата жауын - ат артына сүйреткен, аүй
Әлем жаяу жүрген кезде, сақ бабам.

Бәйге шапқан дүбірлетіп даланы,
Көкпар тартқан дүрілдетіп доданы.
Алты алаштың делебесін қоздырған,
Бұл Қазақтың - Дүр қазақтың алаңы.

Бәйге шапқан дүбірлетіп даланы,
Көкпар тартқан дүрілдетіп додадын.
Алты алаштың делебесін қоздырған,
Бұл қазақтың - дүр қазақтың алаңы.

Арқан тартқан - садақ атқан тұранбыз,
Аттағам жоқ ата дәстүр салтымнан.
Ат үстінде аударысқан ұланбыз,
Сол байырғы айнығам жоқ қалпымнан.

Ит жүгіртіп - аң аулауға құмармыз,
Құс ұшыру - қалған көне қартымнан.
Жер бетінде жалғыз халық шығармыз,
Қыран құспен көкке қарай талпынған.

• Facebook
• Twitter
• Vkontakte