Ерлікке шақыру

Елбол Қуанбек

Міне, саған ойланатын келді күн,
Азамат боп атқа міндің сен бүгін.
Бірақ атқа мінгеніңнен не пайда,
Жүрегіңде қалғып жатса ерлігің.

А — а — а Бозбала,
Қанатыңды талдырма,
Алай-түлей жаңбырда.
Тізгініңді беріп қойма тағдырға,

Қорға, жаным, сеніміңді жеруден,
Қорлық бар ма, жанбай жатып сөнуден.
Өмірдегі үлкен жеңіс әрдайым,
Басталмай ма өзіңді өзің жеңуден.

Болашағың алдыңда әлі, бүлдіршін,
Ер жігіттің намысында бұл бір сын.
Бүгін көрсет қайратыңды, күшіңді,
Ертең мүмкін кеш бола ма, кім білсін.

• Facebook
• Twitter
• Vkontakte