Толғанайым

Еділ Болаткерімұлы

Бір сұлу қыз күлімдеді,
Айналамды гүл етіп.
Көргенімде бүгін сені,
Қалды жүрек дір етіп.

Тойда жолықтырдым сені,
Биің қандай әдемі.
Ғашық етіп қойдың мені,
Енді өзің жан емі.

Жаным менің жадырашы толған айым,
Дидарыңнан жанып тұрған айналайын.
Жүрегіме жаным менің салма уайым,
Бақытым менің.

Ерекелеші тамсанайын қылығына,
Байланып бір қалғандаймын бұрымыңа,
Жан жүрегім нұрланады жылуыңа
Бақытым менің.

Бал мінезің қандай көркем,
Жарасымды бәріде.
Шын сүйемін сені еркем,
Жар саламын бәріне.

Сен мен үшін әлемімсің,
Ешкім кіріп көрмеген.
Ең сұлусың әдемісің,
Жүрегімді тербеген.

• Facebook
• Twitter
• Vkontakte