Тырналар

Таңжарық Жандос

Жылы жаққа ұшқан тырналар
Жастық шаққа ойды бұрмалар
Жыл құсындай бала махаббат
Ұшып кетіп ішті тырналар ...

Ондай сезім келді несіне
Есейгенде әнмен жыр болар
Балғын кезің түссе есіңе
Ұйқың және күлкің ұрланар ...

Тырна тырна тырналар
Арамызда сыр қалар
Ұшып қайтыңдар
Сүйген жаныма сәлем айтыңдар ...

Бала күнім санамда қалды
Өшпестей боп жадымнан мәңгі
Сендер ғана жақын танитын
Алыстағы мен сүйген жанды ...

Ғашық жаным жазық ақ маңдай
Сүйген жарын іздеп тапқандай
Бақыт тілеу үшін тырналар
Топ боп ұшып бара жатқандай ...

• Facebook
• Twitter
• Vkontakte