Ақ мамам

Таңжарық Қарақат

Құрсағында көтеріп, баптаған,
Жан сырымды «ана» деп ақтарам.
Ең қымбатты, жанашыр, жақсы адам,
Аман-есен жүріңіз, Ақ мамам.

Бесік тербеп, әлди жыр жаттаған,
Түн ұйқысын төрт бөліп сақ мамам.
Ең қымбатты, жанашыр, жақсы адам,
Аман-есен жүріңіз, Ақ мамам.

Анам барда марқайып, мақтанам,
Анам менің ардақты басқадан.
Ең қымбатты, жанашыр, жақсы адам,
Аман-есен жүріңіз, Ақ мамам.

Адамдықты, дәстүрді сақтаған,
Сіздей анам болғаны бақ маған.
Ең қымбатты, жанашыр, жақсы адам,
Аман-есен жүріңіз, Ақ мамам...

• Facebook
• Twitter
• Vkontakte