Ай-ай жаным!

Талғатбек Қарабеков

Қызыл белден, қызғалдақ - қызғалдақ теріп,
Мазалайсың жүректі түсіме еніп.
Қызғалдаққа ғашық қыз тілеймін саған
Көктем болсын əр күнің соңымнан еріп!

Алдасаң да обал жоқ, келемін сеніп,
Қойдым саған абайсыз жүректі беріп,
Сағынғанда тілерім, аққардай еріп
Жарылғанша жүрегім, қуантшы келіп!

Ай-ай-ай-ай жаным, жаным!
Келемін сен деп бағым-бағым,
Сенсіз дертім қалың-қалың,
Ғашық боп қалғаным!

Ай-ай-ай-ай жаным-жаным!
Сен десе кеудем жалын-жалын,
Жай-жай өрте жаным-жаным,
Сүйгенім арманым!

Неге сені қызғана-қызғана берем?
Жасырғым кеп жүректің түбіне терең.
Гүл терем деп өзіңмен күн өткен сайын
Үмітімнің сынығын терумен келем.

Махаббаттың өртіне лаулаттың мені,
Бағаламай сезімді жаураттың мені.
Жүрегіңе жол таппай мың ойланамын
Ей қу өмір қайтейін бірі кем сені.

• Facebook
• Twitter
• Vkontakte