Анашым-әкешім

Шолпан Амангелдіқызы

Бақыт сыйлап өсірген өмір гүлін,
Жүздерінен төгіліп мейір нұры.
Жан анашым, жан әкем бар байлығым,
Өздеріңе арналар көңіл жырым.

Анажаным бар бағым
Жүзі жылы пәк жаны
Ұрпағыңа үлгі боп
Өнегеңді жалғадың.
Әкетайым ардағым
Пана болар қорғаным
Ақ батаңның арқасы
Орындалса арманым.
Шексіз алғыс, шексіз алғыс!
Анашым, әкешім!

Сырласатын адал дос жанашырым,
Сендер ғана ақ көңіл жан асылы.
Амандығын тілеймін бір алладан,
Анам, әкем көзімнің қарашығы.

• Facebook
• Twitter
• Vkontakte