Мен мектепке барамын

Сезім Қасымханқызы

Ақылды баламын,
Кішкентай данамын.
Алтыға толамын,
Оқушы боламын.

Мектепке барамын,
Бестікте аламын.
Үмітін анамың,
Ақтайтын боламын.

Болашағым алда,
Қадам басып алға,
Бейбіт елдің ертеңі мен боламын.
Биіктерге самғап,
Көк әлемді шарлап,
Бір жұлдызың болып мен де жанамын.

Еркесі даламның,
Балдырған баламын.
Үлкенді сыйлайтын,
Әдепті боламын.

Кітабым қаламым,
Бар менің талабым.
Білімнің шырағын,
Жандырар баламын.

• Facebook
• Twitter
• Vkontakte