Мен жайлы бір сәт ойланасың ба?

Серікболсын Әбікенов

Жылдар жылыстап, айлар асуда,
Қаншалық мәнді жыр ету?
Мен жайлы бір сәт ойланасың ба
Сен жайлы өмір сүретін?

Өмір өтуде білінбес мынау,
Жолықшы, жаным, мұның не?
Жалғыздан жалғыз ғұмыр кештім-ау
Сен жайлы ойдың түбінде.

Жалғыздан жалғыз, амалым қалмай,
Жылап та алам, күліп те.
Ең жайлы сезім алдану қандай
Сен жайлы жалған үмітке!

Көрмедің бе әлде өмірді жарқын —
Келмедің жанды жылытып.
Сыздайды жүрек, Тәңір де, бәлкім,
Біз жайлы кетті-ау ұмытып.

• Facebook
• Twitter
• Vkontakte