Бір атаның баласы

Саламат Саймов

Қаны бірдей жаралған,
Бір тамырдан таралған.
Баба жолын жалғаған
Күтер жанды бақ алдан.

Сағынышпен қыр асқан
Саулықпен хәл сұрасқан.
Ағайынның ақ адал,
Тойы тойға ұласқан.

Әне әсем қарашы -
Тапқан қандай жарасым!
Бірлікпенен бас қосқан бір атаның баласы.

Қазақ қамын ойлаған
Рухын намыс бойлаған.
Атасының қалдырған
Дәстүр-салтын жоймаған.

Әке сөзін жақтаған,
Ана сүтін ақтаған.
Жұдырақтай жұмылған
Бауырлармен мақтанам!

• Facebook
• Twitter
• Vkontakte