Ғашығым

Сапарәлі Жаңабек

Түскен жансың басқаша, алыстан көзге.
Солай жаным әңгіме табысқан лезде. 
Шын өзіңе байланып, құштар боп қалдым, 
Сол бір кеште өзіңмен танысқан кезде.

Мен жаныңа барған кезде күлімсіредің, 
Ұяңдығың білемін — мұның себебі. 
Айтайын шыным, сенсің жарқыным,
Бұлай ғашық болуым — бірінші менің!

Бір көргеннен айналдың мәңгі арманымa, 
Өзің себеп жүректің қайғы алмауына. 
Жүрегіммен теңестің, енді мен үшін, 
Сендей ару жоқ сірә жалғанда мына.

• Facebook
• Twitter
• Vkontakte