Бақыт деген сенсің

Самал Сқақова

Сахна, той-ғаламда
Адам көп айналамда
Алайда қызғаныштан
Салмайсың ғой байбаламға
Сыйлайсың жақұтыңды
Сеземін бақытымды
Түнімен көзімді ілмей жаным сені ойлағанда
Еркелеп сөздеріңе
Еркелеп көздеріңе
Сен ғана ойымдасың
Ойламаймын өзгеніде
Қорғаушым рас бағалы, жанымның тас қамалы
Мен үшін бақыт деген ол өзіңнен басталады!

Мен үшін бақыт деген сенсің
Себебі сен шынайы ерсің
Мен сүйген әлемдегі жалғыз
Ол сенсің, ол сенсің!

Сенсің ғой салған әнім
Сенсің ғой таңдағаным
Адал боп сезіміңе
Мені жаным алдамадың
Көре алмас көздерден де
Сан түрлі сөздерден де
Тек жаным саған сеніп, сен арқылы қорғанамын
Барым да өзің едің
Бағым да өзің едің
Өң түгіл ұйықтасам түсімде де кезігемін
Сүйгенім менің дара
Жаныңда сенің ғана
Өзімді әлемдегі бақытты жан сезінемін!

• Facebook
• Twitter
• Vkontakte