Естелікпен...

Саида Еркінқызы

Жүрегімде мекендеген
Көздеріңді күлімдеген
Сағынамын, сезесің бе?
Сөздеріңді "күнім" деген.

Бақыт құстай ұшып келген
Жансың білем ерек елден
Жүрсің сен де хабар күтіп
Дала кезіп, ескен желден.

Жұлдызым боп шашырадың
Айым болып жарқырадың
Жаным менің, жан бақтағы
Тал шынарым!
Жанған менің...
Шам шырағым!

Қос аққу ек көлде жүзген
Судан сыңғыр моншақ түзген
Сарғайыпты көңіл күз боп
Жапырақтай сабақ үзген.

Әнге салып еркелікпен
Достасамын күнделікпен.
Жылытармын жүрегімді
Балдай тәтті естелікпен...

• Facebook
• Twitter
• Vkontakte