Шәй құйғаның әдемі

Сабит Ниетбеков

Шақырады өзіне әдемілік әлемі,
Осы ауылда ерекше ерке сұлу бар еді.
Шәй сұраумен басталар серілердің сәлемі,
Ренжітпейтін қонағын салтымыз бар әдемі.

Күн дидарың әдемі,
Ай дидарың әдемі,
Шәрбатым-ай, иіліп
Шәй құйғаның әдемі.

Еркімді алып еркелеп
Назданғаның әдемі
Мақтауыма майысып
Мәз болғаның әдемі.

Тәттісің-ай, тәттісің, сенен тәтті бар ма екен,
Күлімдесең алтыным
Бола алмаймын мен бөтен.
Алаулаған ақ жүзің атқан жаңа таң ба екен,
Шарасыз ғып қойдың ау неге бұлай болды екен?!

• Facebook
• Twitter
• Vkontakte