Немерем

Рыскүл Шайхисламова

Жаным менің немерем,
Қылығыңды қызықтап.
Қуанышқа кенелем,
Зор бақытқа бөленем.
Періштедей түріңнен,
Көңілім көлдей тасыған.
Ұзай шықсам үйімнен,
Немереме асығам.

Әкең аман болсыншы,
Анаң аман болсыншы.
Шаңырағым күлкіңнің,
Сыңғырына толсыншы.

Бір иіскесем өзіңді,
Жан сарайым ашылар.
Құшағыма қысқанда,
Шаршағаным басылар
Әже деген сөзіңді,
Көптен күтіп аңсағам.
Балдай тәтті тіліңнен,
Болайын мен садағаң!

• Facebook
• Twitter
• Vkontakte