Қазағым елім, аман болсын!

Рыскүл Шайхисламова

Мен қазақпын,қайсар өжет баламын,
Ұлылығын паш етемін даламның.
Зеңгір көкте жарқыраған жұлдыздай,
Мен бағына қазағымның жанамын.

Қазағым елім, аман болсын,
Қазағым озған заман болсын!

Ақ бұлттардан ары асып өтемін,
Құстай ұшып, арманыма жетемін.
Тайталасып мені жеңем дегеннің,
Қолқасына шаң қаптырып кетемін.

Бабалардың аманаты жадымда,
Сындыра алмас,ешкім менің сағымды.
Қазақ аты тұғырынан түспейді,
Тілім, ділім, арым барда бойымда.

• Facebook
• Twitter
• Vkontakte