Қызды жылатпа

Нұрым Қойгелдиев

Қанша үлкен болса дағы үлесің ,
Бес күн жалған екендігін білесің .
Қыздың жанын жаралама , жылатпа ,
Ана мен қыз біле білсең бір есім !

Қызды жылатпа , жылатуға болмайды ,
Бір тамшы жас - мың қасірет , мың қайғы .
Қыз тағдырын талқандауға қақың жоқ ,
Өмір біреу , ешкім қайта тумайды .

Санаңдағы зұлымдықты құрықта ,
Гүл ғұмыры ұрынбасын суыққа .
Қыз дегенім әкесінің асылы ,
Өзің де әке боларыңды ұмытпа !

Үкілерін үміт лебі үрлеген ,
Жыламасын , қаракөздер қыз деген .
Қарындастар әрбір үйдің ажары ,
Қамқор болу бізге парыз сіз бенен .

• Facebook
• Twitter
• Vkontakte