Шекара ұлдары

Нұрсаят Серікбаев

Туған жерге тыныштықты табыстап
Кеткенің жоқ ар жолынан алыстап.
Найзағайдай өр намысың тұрғанда
Келер ғасыр еркіндікпен қауышпақ
Құшағынан жырақ кетіп ананың
Ел деп кезіп не көмеді табаның
Қамсыз күнді айырбастап қызметке
Сақшысына айналдың сары даланың
Қайырмасы:
Батыр қайсы ерлік үшін ақы алған
Есте мәңгі кеткенімен қатардан
Құлқын емес ұлтым үшін ұрысқан
Сендерсіңдер ғасыр туған қаһарман.
Тектілікпен табысқандай тағдырың,
Аманат қып арқаладың ар жүгін.
Қара жерді кірпік қақпай күзеттің
Тосқауылдың алдын алып барлығын
Қалқан болдың түзде қару асынып
Оқ бораса кеуде тостың жасырып
Шатқал асты шеиіт кеттің шеп қорғап
Шекарашы даңқын көкке асырып.
Қайырмасы:
Батыр қайсы ерлік үшін ақы алған
Есте мәңгі кеткенімен қатардан
Құлқын емес ұлтым үшін ұрысқан
Сендерсіңдер ғасыр туған қаһарман.
Өлкемдегі жайлы өмірге себепкер
Шежіремдей қанмен жазған деректер
Шаттығымды шалғай жүріп қорғайды
Жасыл тулы күн қағарлы жігіттер.

• Facebook
• Twitter
• Vkontakte