Әнімен тербеткен - Амантоғайын

Нұрсаят Серікбаев

Аңқылдап баладай,
Көңілі - гүлдей.
Құшағы - даладай,
Жүрегі - күндей.
Қойнында ержеткен,
Жылжытып жыл, айын.
Әнімен тербеткен,
Амантоғайын.

Аға, аға,
Үлгі едің басқаға.
Бірдей едің
Жақын, жат, досқа да.
Кең құшағың,
Бәріне ашық еді,
Туған жерге,
Жүрегің ғашық еді.

Ізімен ізгілер,
Жолымен ұлылар,
Жүгін арқаладың
жұртыңның.
Ақжарқын пейілің,
Шуақ пен мейірім,
Төгілген көзінен
мақтаны елдің.

Сәтке ұмытпаған,
Туған ел қалауын.
Жаңылмай жолынан бабаның.
Таңмен арайланып,
Жатыр жер бесігің
Кетті әнге айналып,
Мәңгі есімің.

• Facebook
• Twitter
• Vkontakte