Ұлым менің

Нұрбол Жорабеков

Ұлым менің, болашағың – қолыңда,
Жүрегіңнің жарығы бар жаныңда.
Таза жүріп, адал істі ту етсең,
Жолың ашық, бақ қонады соңыңда.

Қиын күнде сыр бермейтін мықты бол,
Бұл өмірде мейлі барды, жоқты көр.
Досқа сеніп, жауыңа да күліп қой,
Сын сағатта таңдауыңа мықты бол.

Ұлым менің жарқырап жүр әрдайым,
Өміріңде сынақтарға бол дайын.
Жауапты бол әрбір басқан жолыңа,
Дұға тілеп ақ батамды арнайын.

Ұлым әрбір қадамыңды ойланам,
Ақылыңды ақылыңмен пайдалан.
Не болса да жамандықтан алыс жүр,
Жақсы жаққа зейініңді қой балам.

Адал болсын дүниеде жиғаның,
Мықты болсын жүректегі иманың.
Маған бақыт, жеткілікті тек сенің,
Жақсылардың ортасына сиғаның.

• Facebook
• Twitter
• Vkontakte