Алыстағы арманым

Нұрбек Қасым

Алыстағы арманымсың аңсаған,
Жан бар ма екен бұл өмірде тең саған.
Аққу құсқа теңедім мен өзіңді,
Ән-жырымды арнадым мен тек саған.

Бақытты бол бұл өмірде сүйіктім,
Қидым саған ең биіктің биігін.
Мен қиғанмен жүрек шіркін қимайды,
Сүйкімдісің сен лағындай киіктің.

Айтқанымдай басқа жанмен кеттің бе?
Басқа жанмен мұратыңа жеттің бе?
"Сүйем" деген ең алғашқы сөзіңді,
Жаным-ау сен тез ұмытып кеттің бе?

• Facebook
• Twitter
• Vkontakte