Жүрек гүл (Қызым менің)

Мәлік Жамбылұлы

Қызым менің сүп-сүйкімдім томпағым,
Өзіңді ойлап атып жатыр әр таңым.
Елестетсем ұзатылар күніңді,
Қызғаныштан жарылардай жан тәнім,
Бірақ олай айтуға да қорқамын.

Жаратқаннан тілеп алған неше түн,
Күлсе болды көңілден бұлт көшетін.
Бұл әлемде таңғажайып бір гүл бар,
Менің ғана жүрегімде өсетін.
Қызым менің сен сол гүлсің - жүрек гүл,
Өмір деген өкініші көп түнек бұл.
Сол түнектен тапса екен деп өз нұрын,
Әкең саған шексіз бақыт тілеп тұр.

Аппақ нұрым ақ көңілдім айыпсыз,
Баянсыз бақ бұйырмасын байыпсыз.
Сыйлануға менің асыл қызыма,
Жер бетінде ешқандай гүл лайықсыз.
Гүл сыйлауға ешқандай ұл лайықсыз

• Facebook
• Twitter
• Vkontakte