Махаббатты үйретші

Мәлік Жамбылұлы

Көптен бері,
Сыланған сан сұлумен,
Кездесуге күліп бармаймын.
Сағынуды,
Ұнатуды ұмытқандаймын...

Ақ адалым,
Бақыт тілеп, бақ тілеп,
Жүргеніңді аңдамаушы едім.
Мені ессіз сүйетін,
Жүрегіңе таң қалам сенің!

Жүрек сені сүймекші,
Күйбеңімді күйретші.
Махаббатты үйретші,
Бақыт табайын.
Көңіліммен, күйіммен,
Қадыріммен, сыйыммен.
Сәулем саған сүюден,
Шәкірт болайын!..

Көптен бері,
Табылғандай таңдауым,
Бақытымның жолын шарлардым.
Сүйе алмадым,
Сүйген жанның рөлін сомдадым...

Саған келдім,
Сағындырып күн кейпің,
Тағдыр бар ма сүріндірмейтін.
Өткенімді сұрама,
Сырларым көп сұлу білмейтін!..

• Facebook
• Twitter
• Vkontakte