Аманат

Ләззат Медетова

А-ей…
Қараса бері жамағат
Қараса бері жамағат
Айтайын жырмен сәл ғана
Өсиет, нақыл шамалап

Бабаның жолы дара жол
Ананың жолы сара жол
Тыңдайтын құлақ бар болса
Ақылды қыз бен саналы ұл
Болашақ саған АМАНАТ!

Қазақтың дархан даласы
Тау- тасы, сай мен саласы
Тәуелсіздікпен ту тіккен
Көтерген әрбір қаласы
Ұрпаққа бәрі АМАНАТ!

А-ей…
Қаласа бері жамағат
Қараса бері жамағат
Айтайын аз сөз сүбелі
Айтайын ойды саралап

Еліріп, жолдас- жоралап
Ерігіп той мен томалақ
Көргенің болып бос қызық
Саныңды қалма сабалап
Уақытың алтын АМАНАТ!

А-ей…
Қаласа тағы жамағат
Қаласа тағы жамағат
Айтайын әнмен аз ғана
Бір- екі сөзбен жобалап

Байлықтың шыңы қанағат
Барыңды білсең бағалап
Жанына адам жуытпас
Жал бітсе жауыр жаман ат
Адам боп қалу АМАНАТ!

• Facebook
• Twitter
• Vkontakte