Шымкенттің қызымын

Қыздархан Еркінқызы

Кім бағалап, кім сынайды
Керек емес тізімің.
Шымкенттің күн шырайлы
Күн шырайлы қызымын!

Өзгелердің қаламайтын,
Анау-мынау қызығын.
Өзін-өзі бағалайтын,
Шымкенттің қызымын!

*Қайырмасы:*

Шымкенттің қызымын,
Жоғыңды бар қылатын,
Бағыңды жандыратын,
Тойыңды ән қылатын.

Шымкенттің қызымын,
Білетін өз бағасын.
Сен мені қайда да,
Арзан деп ойлама,
Шымкенттің қызымен,
Ойнама сен, ойнама

*2-шумақ:*

Тәрбиенің аттамайтын,
Аттамайтын сызығын.
Қабағына көп қарайтын,
Әкесінің қызымын.

Бір адаммен тағатұғын,
Ақ некенің жүзігін.
Жарына адал болатұғын,
Шымкенттің қызымын.

*3-шумақ:*
Жанұя деп жан беретін
Ізеттінің ізімін.
Ері үшін сәнденетін,
Шымкенттің қызымын.

Қайын жұрттың комитетін,
Келін болып сыйлайтын,
Қазақ санын көбейтетін,
Шымкенттің қызымын.

• Facebook
• Twitter
• Vkontakte