Сен деп…

Құдайберген Сұлтанияров

Ойымдағым тым кешігіп жолыққан
Мойындадым сені көріп болып таң
Сүйем бе деп сол үміттің отына
Күйем бе деп қорыққам
Құм сағаттай құрғұр уақыт зырлайды
Бір бақытқа уайым болды бір қайғы
Мәжнүндерден қалып кеткен махаббат
Көз жасыңа тұрмайды !

Күз боп түсіп қабағың
Қыс боп суық қарадың
Көктем болған жүректі
Жаз боп өртеп барамын ,
Көзден аққан жасыңды жел кептірді
Қимаса да көңілім , сен деп тұрды …

Жүрек қалап тұрғанымен алаңсыз
Ақыл шешім қабылдайды амалсыз
Үлкен бақыт секілдісіз әттең ай
Бұйырмайтын маған сіз
Сұрағы көп жауабы жоқ тақырып
Өкініштен қалмаймын ба ах ұрып
Жібермей ме махаббаттың теңізі
Екеумізді батырып !

• Facebook
• Twitter
• Vkontakte