Тәуба

Қуаныш Мақсұтов

Келешек күннің Елесін
Түсіңде ғана көресің.
Өзіңе жетпей жатқанда
Басқаға неңді бересің ?!..

Дүние-ау неткен шырайлы !
Пенделер неге жылайды ?
Ұмытқан жанжар Құдайды
Тағдырдан нені,
Тағдырдан несін сұрайды ?

Қанбаған Жандар Құмары
Тәубасын қайдан ұғады ?
Армандап, аңсап жеткені
Көптің бірі боп шығады...

Көрмейтін Жандар Түйені
Жаққысы келеді Күйені.
Сүйгені үшін Азап Шеккенді
Құдайдың Өзі сүйеді !

• Facebook
• Twitter
• Vkontakte