Өмірмен сырласу

Қуаныш Мақсұтов

Өмірім менің ,
Жатырқап жүрсің неге Сен?
Жылдарым үшін Сәттермен неге егесем?
Түтіндеп жүрмін жанамын деген ниетпен,
Сындарың емес Сыбырың өтіп Сүйектен.

Жараттың Жалғыз...
Егіздер туып жатқанда,
Менсіз де көп пе Кезек Күткендер қақпаңда?..
Күткендер көп-ау...
Одан да асып барады
Әр Адамның Бақытын Өзіне сатқандар!

Таратсаң Ырзық Маған да біраз қарасшы...
Тіл – тәтті бүгін,
Өтірік – асыл...
Бәрі – ащы!..
Жолымда жиі кездесіп қалады,
Құшқандар
Шырмауық орап, Құрттар құлатқан ағашты.

Жылайтын шығар Мені еске алса Нұр Қыздар...
Жылатып жүрген Мені де Жұмбақ бір Қыз бар.
Қараңғы Түнде Бағытымды таппай қалғанда,
Көбеймесе екен Жылуы біткен Жұлдыздар!

Жамандай алмас Өзіңе Мені білгендер,
Жылынып шықты Үйіме Тоңып кіргендер...
Босағамды босқа тоздырмаса екен итініп,
Жылы Орын менен Диплом сатып жүргендер!

Өмірім менің,
Жатырқап жүрсің неге Сен?
Жылдарым үшін Сәттермен Жиі егесем!
Түтіндеп жүрмін жанамын деген ниетпен,
Сындарың емес Сыбырың өтіп Сүйектен.
Өмірім Менің жатырқап кеттің неге Сен?!..

• Facebook
• Twitter
• Vkontakte