Ақынды қайтесіңдер өкпелетіп

Қуаныш Мақсұтов

Басынан талай Қыс пен Көктем өтіп,
Тобырға айтқан Сөзі текке кетіп.
Досы жоқ, Дұшпаны жоқ...
Жолдасы көп
Ақынды қайтесіңдер өкпелетіп!
Досы жоқ, Дұшпаны жоқ...
Жолдасы көп
Ақынды қайтесіңдер өкпелетіп!

Ойлары жіберетін өктем етіп,
Тағдырдың талқысынан кеткен өтіп...
Шын сүйген...
Тек Сүйікті бола алмаған
Ақынды қайтесіңдер өкпелетіп!
Шын сүйген...
Тек Сүйікті бола алмаған
Ақынды қайтесіңдер өкпелетіп!

Ойларын Ел айтатын мектеп етіп,
Тағдырдың талқысынан кеткен өтіп...
Өмірден Өлең іздеп...
Шаршап жүрген
Ақынды қайтесіңдер өкпелетіп!

Досы жоқ, Дұшпаны жоқ, Жолдасы көп,
Шын сүйген, тек Сүйікті бола алмаған,
Өмірден Өлең іздеп, Қажып жүрген
Ақынды қайтесіңдер өкпелетіп!
Ақынды алмаңдаршы өкпелетіп!

• Facebook
• Twitter
• Vkontakte