Кемшілік бар!

Қуаныш Байсуан

Қарызға баттым деп
Қанша азап тарттым деп.
Қайғырып қанша жол,
Мақсатсыз бастым деп.

Әлі де, кеш емес
Өкінер кез емес.
Денсаулық болсыншы
Қалғаны бос елес.

Кемшілік мен де бар
Кемшілік сен де бар.
Кемшілік болмасқа,
Кепілдік кімде бар?
Жақсы мен қайда? да
Толсыншы айналаң
Айналып жаз келер,
Көңілге қайтадан.

Жаңылдым жаздым деп
Ақылдан аздым деп.
Өкіндің, өртендің
Енді не? таптым деп.

Ешқашан өкінбе
Үмітті өшірме.
Бақытты күндердің,
Бастысы өзің де.

• Facebook
• Twitter
• Vkontakte