Неге, неге

Кенжебек Жанәбілов

Ақ көңілдім, ақ арманым,
Не болып жүр саған жаным?
Қаншама рет ойлансам да,
Құпияңды таба алмадым.

Неге жаным үндемейсің,
Сенсіз күнім түн дегейсің.
Неге, неге қызғалдақтай,
Ажарланып гүлдемейсің.

Түсіме де жиі енесің,
Сүйем дейсің, сендіресің.
Неге, неге сезімімді,
Жанбай жатып сөндіресің.

Сенсіз атпас, құба таңым,
Сенсіз қалай гүл атамын.
Жүрегімнің қалауысың,
Жалғыз сені ұнатамын.

Өзің едің айбыным да,
Түсірмеші қайғы-мұңға.
Кел жүзейік, келші, құрбым,
Махаббаттың айдынында.

• Facebook
• Twitter
• Vkontakte