Қарағандым - асыл мекен!

Қарқаралы тобы

Қарағанды - гүл шаһарым,
Саулатып күн нұр-шапағын,
Арайланып айналам, жайнаған.
Зәулім үйлер, сарайлары,
Қандай әсем бар аймағы?!
Келбетіңнен айналам, бай қалам!

Қарағандым асыл мекен,
Мәңгі бақи қасыңда өтем.
Жаным құштар саған дәйім,
Дидарыңа ән арнаймын.
Гүл қыздарың тербетілген,
Айналайын келбетіңнен.
Сендей қала таба алам ба,
Шыр айналып жер бетінен.

Ақтоғай, Шет, Қарқаралы,
Абай, Нұра Арқадағы
Бұқар жырау, Сарыбел - қалың ел.
Қазыналы, кенді қала,
Өмірімде орны дара,
Жыр-ән болып төгілер, өрілер.

Ақжүректі халқы қандай?!
Берекесі шалқығандай.
Өзгелерден тұр дара бұл қала.
Қарайды елі мейіріммен,
Айналайын пейіліңнен,
Жаса, жайна нұрлана, гүл қала!

• Facebook
• Twitter
• Vkontakte