Ренжімеші

Қалдыбек Талқанбаев

Жаным маған сөйлемейсің,
Төмен қарап күлімдейсің.
Кел демейсін, кет демейсің
Неге сонша өкпелейсің?

Кінәләп мені тұрғандай,
Көз жанарың суық қандай.
Ренжімедім дегенменде,
Көзің айтып тұр ғой бәрін.

Ренжімеші ренжімеші,
Маған қарап күлімдеші.
Қабақ түйіп, төмен қарап,
Көңіліңді түсірмеші.
Көрейінші жанарыңнан,
Ай сәулесін жарқыраған.
Көңіліңді жұбатайын,
Жақындашы жаным маған.

Гүлдей жайнап тұра тұғын,
Көздеріңді көре алмадым.
Еркелеттім көнбедің сен,
Неге екенін біле алмадым.

Кінәм неден айтшы маған,
Бір сөз айтсам қайтып алам.
Жүрек шіркін қиналды ғой,
Жақындашы жаным маған.

• Facebook
• Twitter
• Vkontakte