Алға, Қазақ елі

Инабат Ерғазықызы

Қасиетім киелім,
Саған басты иемін,
Бабалардың аманаты, сыйы едің,
Туған елім сені мәңгі сүйемін.

Алға қазақ елі,
Самға қазақ елі,
Жалға қазақ елі ұлы көшті алға.

Ұлы далам дархан,
Нұрын төксін әр таң,
Бәрі сенің арқаң туған елім менің.
Қазақ елі!

Ырыс қонған аймағың,
Қазыналы қойнауың,
Жұмақ мекен жазиралы жайлауым,
Желбіресін көк аспанда байрағың.

Қазағым Ұлы елім,
Мәңгілік тірегім.
Ғажайып мекенім,
Өзің деп білемін.
Туған жер төсінде,
Жайқалған гүл едім.
Көгімде жарқырар,
Жап-жарық күн едің.
Бабалар үнімен,
Шырқалған жыр едің.
Жарқырап жайнай бер,
Мәңгілік Ұлы Елім!

• Facebook
• Twitter
• Vkontakte