Qazaq dalasy

I-NURAI

Дархан далам төсіңде
сайрандағам-ай,
Дархан далам өзіңдей
қайдан табам-ай?

Алтай менен Атырау арасы
Бабалардың аманат даласы
Әр тасында тарихтың таңбасы
Жеріме қарашы!
Мәңгілікке елімнің панасын
Қазағымның даласын
Қарасындай көзіңнің қарашы
Мәңгілік ел баласы
Қазақ даласы!

Дархан далам-ай
Қайран қалам-ай
Қайдан өзіңдей жерімді табам-ай?

Домбыраның үні бар даламда
Қоңыр үні танылған ғаламға
Барыс болып бекінген қазағым
Қасқырдай заманда
Осы күнді аңсаған бабам да,
Қаны қалған даламда
Таусылмайтын тарих бар өткеннен
Сыры тұнған даламда
Қазақ даласы!

Қыраныңның қанаты талмасын!
Тұлпарыңның тұяғы тозбасын!
Аспаныңда қара бұлт болмасын!
Тәңірім қолдасын!
Тәуелсіз ел тұғырың таймасын!
Бейбіт елім жайнасын!
Әрқашанда биіктен түспесін
Желбіреген байрағың!
Қазақ даласы!

• Facebook
• Twitter
• Vkontakte