Шаңырақ

Гүлнұр Салбанова

Жиылды ақ тілекпен достар тағы,
Ол деген жақсылықтың басталғаны.
Шуақты шапағат-нұр тарап жатқан
Киелі қазағымның дастарқаны.

Жер бар ма қазағымның даласындай?
Сән берген көгінде Күн, жағасында Ай.
Әлемде жоқ-ау, сірә, жаны жомарт
Қазақтың қарапайым баласындай.

Қазақтың береке ғой тәңір-әні,
Дос келсе, барын беріп сабылады.
Қазақтың жиылмасын дастарқаны,
Қазақтың шайқалмасын шаңырағы.

• Facebook
• Twitter
• Vkontakte