Сағынып кеткенім-ай

Эльмира Шонай

Сен мені елемедің,
Сағынсам “неге?” дедің.
Толқының жарға итерген,
Желкенсіз кемедемін.

Қысады өкпем ұдай,
“Кез қылды текке құдай.
Ұмытшы” дегеніңмен,
Сағынып кеткенім-ай…

Өтініп, өбектедім,
Мені ұғар зерек дедім.
Ал менің ұқпағаным,
Мен саған керек пе едім?

Күн ертең қалай болар,
Мүмкін бір арайланар.
Немесе өкінішпен,
Ағарған самай қалар.

• Facebook
• Twitter
• Vkontakte