Ән салып берші

Эльмира Шонай

Ауылыма жарығым жылынып барайын,
Қайта келсем еліңе қарсы алып көрші.
Қармағына сезімнің ілініп қалайын,
Арманыма жетейін ән салып берші.
Ән салып берші!

Жолаушының жабырқау жанын ұғарсың.
Таптыра ма жарқыным сезімде жүлдем.
Сегізінші жарығым нота шығарсың,
Сазгерлердің ешбірі сезінбей жүрген.
Ән салып берші.

Қоштасарда көңілді жүдеттім жаным,
Жүрегіме ұқсайтын қалдырайын гүл.
Жүрегіммен тыңдайын жүректің әнін,
Құлағымның құрышын қандырайын бір.
Ән салып берші.

Өнер сүйген әр жанның сырласы уайым,
Кеудемдегі тылсымға тіл қаттырайын
Сезілгенше сезімің тынбашы айым,
Езілгенше жүрегім тыңдап тұрайын.
Ән салып берші.

• Facebook
• Twitter
• Vkontakte