Қарындасым

Берік Сансызбай

Айналайын әппағым,
Ұзатылып барасың.
Ақ отауға аттаған
Құтты болсын қадамың!
 
Артта қалған еліңнің,
Абыройы бол қалқам.
Арқа сүйер еріңнің
Ақыл-ойы бол қалқам!
 
Қарындасым – қарлығашым!
Қарашығы көзімнің.
Барған жерің бағыңды ашсын,
Гүлге толсын өмірің!
Бақытыңа құшақ ашып,
Жанарыңнан жалын тасып,
Аттанасың жаным бүгін
Алабұртып көңілің...
 
Қимай тұр-ау ата-анаң,
Жұлып беріп жүрегін.
Жылап тұрып бар ғалам
Саған бақыт тіледі!
 
Отауыңа қонсын құт,
Таси берсін дәулетің.
Үлгі тұтқан бүкіл жұрт
Келіні бол әулеттің.

• Facebook
• Twitter
• Vkontakte