Алты Алаштың Елдосы

Бектұр Оңалов

Ал, қазағым, беріп, қане, батаңды,
Ардақтағын Елдосыңдай ботаңды.
Орда бұзар отызында, мінеки,
Олимпия чемпионы атанды.

Алақайлап Алашым,
Жар салды ғой Елдос деп
Күресіне күллі Әлем,
Тамсанды ғой Елдос деп!
Буырқанып өзен, көл,
Тасып жатты Елдос деп.
Жер-Ана да құшағын,
Тосып жатты Елдос деп!
Тосып жатты құшағын,
Елдос, Елдос, Елдос деп!

Қайрап, анау, бойындағы намысын,
Сәтті жасап тәсілдерін әдісін.
Алып ұрды ақтық сында Парижде,
Француздың үкілеген барысын.

Олимпиде бәсеңдетпей қарқынын,
Ұтты тегіс қола, күміс, алтынын.
Қазағымның жапырақтай баласы,
Мәртебесін асқақтатты халқымның!

• Facebook
• Twitter
• Vkontakte