Бейкүнә жүректер

Азат Кабиев

Қажыды көңілім заманнан,
Ақшаға құныққан сараңдар.
Аласын ішіне жасырған,
Айнала қатыгез адамдар.

Бостандық аңсайды көңілің,
Алайда, дәуірге адам құл.
Талантың, талабың болса да,
Таныссыз өспейтін заман бұл.
Қаншама жақсылар алданып,
Бейкүнә жүректер жылады.
Арамның жібіне сүрініп,
Жазықсыз жандар құлады.

Жақыным жат болып жаныма!
Мейірге шөлдедім, зарықтым!
Шындықты ішіме жасырып,
Өтірік күлуден жалықтым!

Амалсыз бағындым, хәл осы!
Көңілді мұң сезім тербейді!
Сұм заман аяқтан шалса да!
Жақсының жылуы сөнбейді!
Таңдамас ешбір жан тағдырын!
Соңында косарым тілекке-
Түнектен адаспай шығатын,
Тәңірім, иман бер жүрекке!

• Facebook
• Twitter
• Vkontakte