Балапаным

Айым Айдар

Жүрегіммен аналық
Саған жайдым құлашты.
Сен келгелі балалық
Даналыққа ұласты.

Қылықтарың сүйкімді
Қуанышты еселер
Күзетейін ұйқыңды
Еш алаңсыз өсе бер!

Балапаным, балдай тәтті, балдай тәтті құлыным,
Сен келгелі бақыттының, бақыттының бірімін.
Мейірім мен махаббатпен-ай бол егіз
Сені қатты, сені қатты, қатты жақсы көреміз!

Өзіңменен әр күнім,
Әрбір сәтім бағалы.
Қуанта бер, жарқыным,
Әкең менен анаңды.

Сенің әрбір қадамың -
Бізге бақыт бастауы.
Кіп-кішкентай адамым,
Ашық болсын аспаның!

• Facebook
• Twitter
• Vkontakte