Жүрегім сенде

Айсұлтан & Нұрайым

Өзіңсің мәңгі сүйгенім,
Сүйгенім арлы, сыйлы едің.
Көңілдің көгершіндерін
Арманға қарай сүйредің.

Келеді әне ұлы таң,
Сонымен бойды жылытам.
Қасымда жүрсең аяулым
Қасіретімді ұмытам.

Соғады жүрегім өзің деп,
Қасымнан табылсаң өзің кеп,
Шын бақыт сол кезде сезілмек бұл, әрине.
Жүрмейік жүрекке мұң батып,
Бақытты уақытқа ұрлатып,
Сезілсін жылуы шын бақыттың.

Осылай өзің дем беріп,
Өмірге құлаш сермедік.
Бақыттың келіп қонғанын
Рас па, жоқ па сенбедік.

Жүректе жанған мол сенім,
Махаббат оты ол сенің.
Өмірдің сәуле, шуағын
Өзіңмен ғана өлшедім.

• Facebook
• Twitter
• Vkontakte