Өмір-өзен

Айсәуле Қайырғазина

Асып-тасып, төгілетін,
Алқынып ұшатын көңіл-ай,
Өзгерместей көрінетін,
Баянсыз бес күндік өмір-ай,
Тасқын болып, тасып тұрған
Жастық шақ алды-артын аңдамай
Әлденеге асықтырған
Желігі басылмас жалған-ай.

Қайырмасы:
Өмір-өзен ағады, әттең,
Өкініштің алауы
Жанымды өртеп барады.
Өмір-өзен ағады, әттең,
Менің жаным жаралы
Қай жағада қалады?

Дүниеге алданады
Қомағай көзіміз тоймаған.
Бірақ соның бар ма мәні,
Деп оңаша үнсіз ойланам.
Өткізермін өмірімді
Сағатты оздырып сағаттан
Жүректегі сенімімді
Сөндіре көрмеші, жаратқан

• Facebook
• Twitter
• Vkontakte